Pagoetako natur eta kultur ondarea ezagutzeko ibilbide ezberdinak ditugu.
Modu askean ala bisita gidatuan parkea ezagutzera gonbidatzen duten bidezodorrak daude. Seinaleztatuta eta jende guztiarentzat dira egokiak; familian, bakarka, lagunekin…
SL-Gi4001 Agorregiko ibilbidea
Iraupena: 1:30 – 2 h
Zailtasuna: baxua
Luzera: 3,5 km
Punturik altuena: 200 m
Punturik bajuena: 50 m
Kokalekua: Pagoeta Natura Parkean barrena, irteera Iturrarango aparkalekua
Ibilbide egokia familientzako, parkearen interesguneak bisitatzeko aproposa. Lorategi botanikoa zeharkatuz Agorregiko burdinolara jaisten da. Hemendik haranaren ondotik eta errota desberdinen aldamenetik igarota Manterolara iritsiko gara.
Hemendik, lorategiko beste gune batetik pasa eta baita Iturraran baserritik ere.
Ibilaldian zehar erreka ertzetako landaretza ikusteko aukera izango dugu; altza, lizarra, zumarra, sahatsa edo sahats iluna.
PR-Gi 4002 Urdaneta – Aia
Iraupena: 1:35 h
Zailtasuna: baxua
Luzera: 5,9 km
Punturik altuena: 674 m
Punturik bajuena: 312 m
Kokalekua: Pagoeta Natura Parkean barrena, irteera Urdaneta auzoa
Ibilbide honek Urdaneta auzoa eta Aiako erdigunea elkartzen ditu, bere ikuspuntu desberdinak deskubrituz. Paisaia ederrez gozatzeko aukera izango duzu.
Lotura Neberako Lizarra – Sarrola
Iraupena: 40 min.
Zailtasuna: baxua
Luzera: 1,6 km
Punturik altuena: 515 m
Punturik bajuena: 240 m
Ibilbide honek PR-4001 eta SL-Gi 4002aren arteko lotura ahalbidetzen du.
