Aiako herrigunea udalerriaren bihotza da, bertan biltzen dira herriko eraikin eta udal zerbitzu gehienak.

Herriguneko monumentu multzoak osatzen duten eraikinak hauek dira:

San Esteban Parrokia (XV-XVII)
Elizaren lehen aipamena 1350. urtekoa da. Historian zehar mendez mende berreraiki eta handitu dute. Nabe bakarreko eraikina da. Gurutze latino itxurako oinplanoa, abside alakatuak eta gurutze gangak ditu. Gaur egun kaskoaren ikonoa da.

Aizpeako Amaren Ermita eta galtzara (XV)
Aiako baseliza zaharrena da, eta garai batean parroki nagusiaren funtzioak betetzen zituen. Lehen aipamena 1530. urtekoa da. Aldaketa handiak egin dizkiote bertako erretaulari obra ezberdinekin. Ermitaren festa eguna Irailaren 8a da.